Bruă bơkơtuai yua kơ Ding jum kơčăo bruă hăng tuh pơplai, Khua anih jưh pơ ala kơ Việt Nam ƀơi Thổ Nhĩ Kỳ hăng Khul bơwih ƀong hăng dêh čar tač rơngiao dêh čar Thổ Nhĩ Kỳ gum hrŏm pơphun. Amăng mông bơkơtuai, khul bơwih ƀong Việt Nam hăng Thổ Nhĩ Kỳ dưi lăi pơthâo kơ tơhnal gal, tơlơi kiăng gum hrŏm tuh pơplai, bơwih ƀong sĭ mơdrô mơ̆ng rim bơnah; lăi pơthâo tơlơi hrăm tui truh kih amăng gum hrŏm, tuh pơplai. Pơhiăp amăng mông bơkơtuai, ơi Phạm Minh Chính brơi thâo: Việt Nam glăk đing nao 3 tơlơi pơplih phrâo bruă mă, čang rơmang gum hrŏm amăng hơdôm bruă bơwih ƀong mrô, pơplih mơtah, bơwih ƀong pơhlôm akô̆ tlôn, bơwih ƀong bôh thâo, bơwih ƀong lăi pơthâo; mă bôh thâo phrâo măi mok, pơplih phrâo pơčeh phrâo jing pran pơtrut pơđĭ kyar phrâo. Việt Nam ngă gal brơi klă kơ hơdôm anom bơwih ƀong prong, măi mok yôm, hmâo tơlơi găn rơgao wai lăng, amăng anun hmâo anom bơwih ƀong Thổ Nhĩ Kỳ nao tuh pơplai, sĭ mơdrô ƀơi Việt Nam.

Ăt amăng lơ 30/11 mơn, Khua dêh čar ta Phạm Minh Chính tŭ jum Khua Ding jum ngăn drăp hăng prăk kak hăng Khua Ding jum măi mok hăng hơdră mă yua măi mok Thổ nhĩ Kỳ hăng nao čuă, mă bruă hăng Grŭp mă bruă rơdêh apui Thổ Kỹ Kỳ (TAI) – sa amăng hơdôm grŭp măi mok pơgang lŏn ia ba jơlan hlâo mơ̆ng Thổ Nhĩ Kỳ; čuă Sang djă pioh gru grua Anatolia, Thổ Nhĩ Kỳ./.