Khua Grŭp Khua pơ ala mơnuih ƀôn sang giăng mah Márcio Honaiser pơsit tơlơi rô nao rai kơplah wah dua Khua pơ ala mơnuih ƀôn sang hmâo hơdôm yak pơđĭ kyar klă amăng hơdôm hrơi jê̆ hăng anai; brơi thâo, Khua pơ ala mơnuih ƀôn sang gơnong yŭ Brazil ƀu kơnong kơ čang rơmang kơtưn đĭ tơlơi rô nao rai Brazil – Việt Nam ôh mơ̆, dô̆ čang rơmang Việt Nam hmâo tơlơi rô nao rai klă hăng bruă sĭ mơdrô kual Mi Jŭ dong, ăt kah hăng kơplah wah Brazil hăng Khul gum hrŏm hơdôm bôh dêh čar kual Đông Nam Á.

Tŭ ư hrŏm hăng hơdôm tơlơi gum pơhiăp mơ̆ng ƀing Khua pơ ala mơnuih ƀôn sang Brazil, Khua dêh čar ta rơkâo Khua pơ ala mơnuih ƀôn sang gơnong yŭ hăng gơnong dlông dêh čar Brazil hăng Khua pơ ala mơnuih ƀôn sang dêh čar Việt Nam kơtưn gum hrŏm, djru nao rai tơdruă kiăng kơtrut hơdôm bruă pơbưp gưl dlông hăng pơplih bơkơtuai nao rai grŭp hơdôm gưl pơ̆ anăp anai; kơtưn hơdôm bruă gum hrŏm kơplăh wah Khua pơ ala mơnuih ƀôn sang amăng hơdôm bruă lăi pơthâo tơlơi găn gao bruă Khua pơ ala mơnuih ƀôn sang, ngă tui bruă mă mơng Khua pơ ala mơnuih ƀôn sang amăng glông bruă kơđi čar, bruă pơtom hiăp khua pơ ala mơnuih ƀôn sang, gum hrŏm hăng dŏng yua tơdruă amăng hơdôm mông bơkơtuai bruă Khua pơ ala mơnuih ƀôn sang lu bơnah./.