Trun amăng hmua pơ alum pran jua mơnuih ngă hmua pơdai bơyan Puih phang ƀơi să Hưng Long, tơring glông Ninh Giang, Khua dêh čar hơmâo nao čuă anih pla anah pơdai hăng hmua pơdai sai hăng măi. Tơdơi anun hmư̆ tơlơi lăi pơthâo kơ bruă ngă hmua pơdai bơyan puih phang thun 2024 hăng bruă mă yua boh thâo măi mok amăng sai pơdai, hơbô̆ bruă mă yua boh thâo măi mok amăng ngă hmua pơdai ƀơi Hải Dương, Khua dêh čar ăt đĭ mơgăt măi tĕm pơdai hlao.

Laih anun, Khua dêh čar hăng grup hyu mă bruă hơmâo nao čuă kual pla cà rốt sĭ mơdrô pơ tač rơngiao; nao čuă anom bơwih ƀong hrŏm Đức Chính, anih pơkra pơjing, anung amăng adung cà rốt hăng nao trơ̆i bơnal pơpŭ kơthung cà rốt blung a ba sĭ mơdrô pơ tač rơngiao amăng akŏ bơyan bơnga Giáp Thìn ƀơi să Đức Chính, tơring glông Cẩm Giang.