Ƀơi mông bưp, Khua dêh čar lăi, amăng hrơi mông amăng kual, ƀơi rŏng lŏn tơnah hơmâo lu tơlơi pơplih, tơlơi gum pơgôp ngă giăng mah hăng ngă hrŏm hlom bom plah wah dua bơnah jing phun atur kiăng dua djuai ania gum hrŏm bong kjăp tơlơi rơngai, hơđong, pơtrut tui bruă akŏ pơdong tơlơi bơwih ƀong ngă mă pô, gum hrŏm či đĭ kyar hơđong.

Dua čô khua lăng tơlơi rô nao rai Việt Nam - Kur đĭ kyar klă biă amăng abih bang bruă. Tơlơi rô nao rai kơđi čar - pơtom hiăp ăt đĭ tui mơn, pơƀuh hăng bruă dua bơnah pơbưp nao rai na nao, jơnum djŏp gưl. Ngă hrŏm pơgang ling tơhan - rơnuk rơnua ăt jing gong tơmeh phun mơn. Ngă hrŏm bơwih ƀong ăt jing bruă ba glăi boh tŭ yua hloh mơn, hăng prăk mơdrô dua bơnah đĭ lu. Ngă hrŏm pơtô pơjuăt, gru grua, tuai hyu ngui, pơbưp mơnuih ƀôn sang hơmâo lăng ba, pơtrut tui.