Tlam lơ 31/10, Khua dêh čar ơi Phạm Minh Chính tŭ jum ơi Kasper Rorsted, Khua grup Adidas glăk rai čuă hăng mă bruă ƀơi Việt Nam. Khua dêh čar ta hok mơ-ak lơ̆m Adidas tŏ tui ruah Việt Nam lĕ dêh čar akŏ phun amăng bruă pơkra pơjing sĭ mơdrô gơnam tam mơng grup. Kơnuk kơna Việt Nam amra tŏ tui pơplih bruă tuh pơ alin, bơwih ƀong sĭ mơdrô, pơplih ngă hră pơ-ar, đing nao, ngă gêh gal kiăng hơdôm anom bruă tuh pơ alin lăi hrŏm hăng Adidas hnun mơn dưi tŏ tui, pok prong hăng pơđĭ kyar ƀơi Việt Nam.

Khua dêh čar ơi Phạm Minh Chính tŭ jum khua grup Adidas

Khua dêh čar rơkâo Adidas tŏ tui pok prong bơwih ƀong sĭ mơdrô ƀơi Việt Nam - lĕ anih phun, bơwih ƀong sui thun, hơđong kjăp tui hơdră bruă mơng grup, laih dong gum djru, ngă gêh gal kiăng jai hrơi hơmâo lu dong anom bơwih ƀong sĭ mơdrô Việt Nam mut hrŏm amăng bruă mă kiăng ba glăi rơnoh yôm amăng sĭ mơdrô gơnam tam tar ƀar rŏng lŏn tơnah mơng Adidas. Ơi Kasper Rorsted lăi pơthâo boh than ba glăi amăng sĭ mơdrô hơđong biă mă ƀơi Việt Nam, ñu brơi thâo Adidas amra tŏ tui hơmâo lu dong gơnam pioh pơkra pơjing ƀơi Việt Nam kah hăng pơkra rai lu ƀiă dong ƀơi Việt Nam, hăng rơnoh pơhrui lu ƀiă pơhmu hăng pơhrui mơng hơdôm boh dêh čar amăng rŏng lŏn tơnah.