Khua dêh čar Việt Nam hăng New Zealand bưp ƀing čih tơlơi pơhing
Thứ tư, 01:03, 16/11/2022
VOV/Nay Jek pơblang
VOV/Nay Jek pơblang
VOV4.Jarai-Tlam lơ 14/11, ƀơi Sang bruă Kơnuk kơna, tơdơi kơ bơkơtuai giong, Khua dêh čar ơi Phạm Minh Chính hăng Khua dêh čar New Zealand, yă Jacinda Ardern jơnum hrom lăng kĭ pơkôl bruă ngă hrom hơdôm ding jum, anom bruă dua bơnah laih anun bưp ƀing čih tơlơi pơhing.
Đĭ pơhiăp hăng ƀing čih tơlơi pơhing, Khua dêh čar ơi Phạm Minh Chính lăi pơtong, Việt Nam lăng yôm biă mă tơlơi ngă giăng mah hăng dêh čar New Zealand, sa boh dêh čar ngă hrom yôm hăng ASEAN mơ̆n. Khua dêh čar brơi thâo: Ƀơi mông bơkơtuai, dua bơnah hơmâo sem glăi abih bang bruă ngă hrom dua bơnah dêh čar hăng hok mơak ƀuh tơlơi rô nao rai mơak yôm biă Việt Nam-New Zealand hlăk pơđĭ kyar hiam klă hăng tŭ yua; biă mă ñu sĭ mơdrô dua bơnah đĭ na nao.
Dua čô khua dêh čar ăt pơdah thâo anăp či mă bruă kơtang hloh, dơlăm tui pơ anăp anai, yua boh tŭ ua kơ rĭm boh dêh čar, djru hrom pơgang rơnuk rơnua, tơlơi hing ang, ngă hrom hăng pơđĭ kyar ƀơi kual ASIA-Thái Bình Dương.
Viết bình luận