Ƀơi mông ngă bruă, Khua ding jum bruă čar yă Phạm Thị Thanh Trà črâo rơđah, amăng bruă pơphun ngă, Dak Lăk dŏ hơmâo mơn tơlơi aka ƀu dưi ngă, lơ̆m aka ƀu hơmâo hơdră ngă bruă kơjăp či ngă bruă hơdeč hmar; dŏ sư̆ rơbư̆ lơ̆m dưm dăp mơnuih mă bruă; hơmâo mơn mơnuih mă bruă ƀu kơjăp, ƀing khua ƀơi lu anih mă bruă aka ƀu klă, aka ƀu thâo, hơmâo mơn ƀing khua pơpĕ hĭ bruă mă, hŭi glăm ba bruă tơnap; pơplih phrâo anom bruă kơnuk kơna aka ƀu kơjăp.

Kơ hơdră ngă bruă amăng hrơi blan pơ anăp, Khua ding jum bruă čar yă Phạm Thị Thanh Trà kiăng tơring čar Dak Lăk hơmâo hơdră ngă bruă kiăng pơđĭ kyar mơnuih mă bruă, amăng anun hơmâo mơnuih mă bruă lĕ mơnuih djuai ƀiă, ngă kơjăp tui bruă wai lăng kơnuk kơna amăng hơdôm anom bruă, biă ñu lĕ tơlơi đăo hăng djuai ania.