Khua ding jum Hồ Đức Phớc ngă bruă hrŏm hăng hơdôm čô Khua ding jum Prăk kăk ƀơi mông Jơnum APEC 2023
Thứ tư, 10:15, 15/11/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Khua ding jum prăk kăk Hồ Đức Phớc hơmâo mông ngă bruă dua bơnah hăng Khua ding jum Prăk kăk Australia, Khua ding jum prăk kăk Japan hăng Khua ding jum Prăk kăk Singgapore, ƀrô nao Jơnum khua ding jum prăk kăk APEC 2023, ƀơi dêh čar Mi.
Ƀơi mông tŭ jum Jim Chalmers, Khua ding jum Prăk kăk Australia, dua čô khua ding jum hơmâo bơkơtuai kơ Hơdră bơwih ƀong Đông Nam Á truh pơ thun 2040 mơ̆ng Australia; ngă hrŏm pơplih ayuh hyiăng hăng prăk kăk hơđong kơjăp. Tui hăng Khua ding jum Hồ Đức Phớc, Ding jum prăk kăk Việt Nam čang rơmang Australia lêng kơ lăng yôm tơlơi rô nao rao ngă gŏp hăng Việt Nam. Ƀơi mông tŭ jum Khua ding jum prăk kăk Japan Katsuo Yakura, Khua ding jum Hồ Đức Phớc lăi glăi tơlơi rô nao rai ngă hrŏm dua bơnah kơplah wah Kơnuk kơna Việt Nam hăng Kơnuk kơna Japan hơđong hăng pơđĭ kyar kiăo tui thun blan.
Viết bình luận