Khua ding jum Kông an ơi Tô Lâm bơkơtuai hăng Khua git gai ngă tui Tơlơi phiăn dêh čar Iran
Thứ năm, 14:55, 16/05/2024
VOV/Siu H'Mai pơblang
VOV/Siu H'Mai pơblang
VOV4.Jarai - Mơguah tom brơi (lơ 14/5), ƀơi Hà Nội, Ding jum Kông an pơphun čơkă sit nik grup khua mua pơprong mơ̆ng Anom bruă git gai ngă tui Tơlơi phiăn dêh čar Iran yua Khua tơhan krên dên Ahmad Reza Radan, Git gai ngă tui Tơlơi phiăn dêh čar Iran ngă khua grup glăk rai čuă, mă bruă pơ Việt Nam. Khua tơhan Đại tướng ơi Tô Lâm, Ding kơna Ding jum kơđi čar, Khua ding jum Kông an git gai mông čơkă.
Tơdơi kơ tŭ jum, Khua ding jum ơi Tô Lâm hăng ơi Ahmad Reza Radan pơphun bơkơtuai. Kiăng ba tơlơi rô nao rai plah wah Ding jum Kông an Việt Nam hăng Ding jum git gai mă yua Tơlơi phiăn Iran jai đĭ kyar sit nik, mut dlăm hloh, dua bơnah pơđĭ tui bruă jơnum pơbưp khua mua djŏp gưl, biă ñu khua mua pơprong đah mơ̆ng ĕp ƀuh tơlơi kiăng, tơlơi gêh gal či ngă hrŏm mơ̆ng dua bơnah gah bruă rơnuk rơnua; pơtruh nao rai tơlơi pơhing, pơtrut ngă bruă, biă ñu gah bruă lăi pơthâo nao rai kơđi tơlơi ƀơi jar kmar, amăng kual mơ̆ dua bơnah lăp đing nao, ngă hrŏm pơsir kơđi mơnuih ngă soh pơtruh nao rai hăng lu dêh čar, mơnuih ngă soh bơdjơ̆ nao mơnuih ƀôn sang dua boh dêh čar.
Viết bình luận