Khua git gai Ping gah plơi prong ơi Viên Gia Quân hok mơ-ak hơmâo tŭ jum Khua ding jum ơi Tô Lâm hăng Grup khua mua mơ̆ng Ding jum kông an Việt Nam nao čuă Trùng Khánh. Ơi Tô Lâm brơi thâo, thun 2015, Anom bruă pơtrut sĭ mơdrô blung a mơ̆ng Việt Nam hơmâo pơdong ƀơi plơi prong Trùng Khánh. Khua ding jum kiăng dua bơnah ngă hrŏm hloh dong, pơđĭ tui boh tŭ yua sit nik amăng djŏp bruă bơwih ƀong, sĭ mơdrô.

Ră anai, Kông an plơi prong Trùng Khánh hăng Kông an hơdôm boh tơring čar ƀơi Việt Nam hơmâo lu bruă ngă hrŏm laih anun hơmâo boh than klă amăng djŏp bruă. Khua ding jum ơi Tô Lâm čang rơmang hăng rơkâo khua mua plơi prong Trùng Khánh djru brơi anom bruă tơlơi phiăn pơđĭ tui tơlơi ngă hrŏm hăng Kông an djŏp anom bruă, kual plơi pla ƀơi Việt Nam.