Khua tơhan krên dên, ơi Tô Lâm Khua ding jum kông an, Kơ-iăng khua git gai rơnuk rơnua, hơđong tơlơi pơhing plang internet nao jơnum hrom hăng đĭ pơhiăp git gai. Khua ding jum ơi Tô Lâm lăi, Khul pơgang tơlơi rơnuk rơnua  tơlơi pơhing plang internet hăng ding kơna ngă hrŏm khom tŭ ư sa pran jua tơlơi thâo hluh, anŏ kiăng ngă bruă sa hnong tui ping gah, kơnuk kơna pơtrun kơ bruă pơgang tơlơi rơnuk rơnua hơđong pơhing plang internet; thun blan rơgao, rơngiao kơ bruă pơtong glăi tơlơi pơhing bruă mă, hơdră pơsir bruă mă hơmâo sit nik, dŏ ĕp lăng tong ten tơlơi pơmin, anŏ kiăng, bruă mă yôm phun pơ anăp dưi hơmâo Ding jum kơđi čar jao.

Khua ding jum ơi Tô Lâm đăo kơnang, hăng hơdră mă bruă rơđah rơđong, djơ̆ găl, Khul khom gum pơgôp nao rai, tŭ ư sa pran jua bruă mă, khut khăt gir run kiăng ngă giong tui Hră pơtrun ruah khua Khul rơwang bruă 2023-2028 hơmâo pơtrun laih, hơmâo bruă ngă pơgôp hrŏm prong, tŭ yua hăng pơtrut pơđĭ kyar hmar, hơđong kjăp bơwih ƀong huă, mơnuih mơnam lŏn ia kiăng pơgang tơlơi rơnuk rơnua hăng tơlơi dưi ngă pô dêh čar pôr amăng tơlơi pơhing plang internet.