Khua tơhan Đại tướng Tô Lâm, Ding kơna ding jum kơđi čar, Khua ding jum kông an git gai mông ngă lơphet. Jing sa amăng hơdôm ding jum anom bruă nao hlâo amăng bruă čih pơkra tơlơi phiăn, kơnong mơ̆ng blan 11/2022 truh ră anai, Ding jum kông an hơmâo git gai čih pơkra pơdah pơ Khua mua pơ ala mơnuih ƀôn sang pơtrun 2 tơlơi phiăn; pơdah pơ khua mua pơ ala mơnuih ƀôn sang ngă 1 tơlơi pơtrun; pơdah pơ Khua mua pơ ala mơnuih ƀôn sang sem lăng, pơgôp hiăp ƀơi mông Jơnum lok 5 laih anun amra sem lăng, pơsit ƀơi mông Jơnum lok 6 hăng 2 tơlơi phiăn anun lĕ Tơlơi phiăn mơnuih gum pơgang rơnuk rơnua, hơđong kơjăp plơi pla hăng Tơlơi phiăn Căn Cước. Pơhiăp git gai mông jơnum, Khua ding jum Kông an ơi Tô Lâm git gai kông an djŏp anom bruă hmư̆ ngă tui klă, tŭ yua hơdôm tơlơi pơčrâo trun bơdjơ̆ nao bruă čih pơkra, ngă pơgiong tơlơi phiăn.