Ƀơi mông tŭ jum, Khua ding jum kông an ơi Tô Lâm bơni kơ Khua anih jưh pơ ala ngă giong amăng sa rơwang bruă ƀơi Việt Nam, djru prong biă mă amăng bruă pơtrut ngă giang mah dua bơnah Việt Nam-Qatar lăi hrom, tơlơi rô nao rai kơplah wah Khua ding jum kông an Việt Nam hăng hơdôm anom bruă gah dêh čar Qatar hnun mơ̆n.

Khua ding jum ơi Tô Lâm hăng Khua anih jưh pơ ala Qatar ƀơi Việt Nam

 ơi Mohamed Ismael Al-Emad

Khua ding jum ơi Tô Lâm brơi thâo, tui hăng tơlơi pơkôl pơkă kơ bruă pơhlôm hăng pơgăn tơlơi soh sat đuăi hyu lu dêh čar kơplah wah kông an Việt Nam hăng ding jum tơhan pơlih dêh čar Qatar hơmâo kĭ thun 2014, tơlơi ngă giăng mah dua bơnah hơmâo ngă tum teč hloh lu bruă. Khua ding jum ơi Tô Lâm đăo kơnang, boh tơhnal ngă hrom dua bơnah pơtrut kơtang hloh, lăp hăng tơlơi gêh găl mơ̆ng dua bơnah dêh čar, anŏ čang rơmang mơ̆ng dua bơnah ngă giăng mah hiam klă hloh, biă mă ñu amăng bruă pơgang tơlơi rơnuk rơnua, hơđong kơ mơnuih mơnam amăng dêh čar.