Să Ea Ktur hmâo 8.500 bôh sang anô̆, 38% mrô mơnuih ƀôn sang lĕ djuai ania Êđê, Bơnông, Thái, Tày, Nùng, Dao... Hơdôm thun rơgao, mơ̆ng bruă pơlar djop mơta phun pla kah hăng kơphê, tiu, sầu riêng... tơlơi hơdip mơda mơnuih ƀôn sang jai hrơi jai trơi pơđao, mrô sang anô̆ ƀun rin dô̆ ƀiă hloh lơ 5%.

Nao pơhmư̆ hrơi jơnum, Đại tướng Lương Tam Quang hơ-ưč hmưi hơdôm bôh than mơ̆ neh wa djop djuai ania ƀơi Ea Ktur dưi ngă amăng hơdôm thun rơgao. Khua Ding jum Kông ang čang rơmang pơ̆ anăp anai gưl Ping gah gong gai hăng mơnuih ƀôn sang Ea Ktur lăi ha jăn hăng Dak Lak lăi hrŏm run pran bơkơtưn dong, hrưn đĭ ngă giong ƀơi rơnoh dlông hloh hơdôm tơhnal pơkă, tơhnal pơkă pơtrun pơsit jơnum ping gah hơdôm gưl, ngă tui dong phiăn juăt, pran kơtang gum hrŏm hơbit abih bang djuai ania, pơdŏng plơi pla lŏn ia jai hrơi jai pơđĭ kyar, yâo mơ-ak./.