Khua ding jum ơi Tô Lâm pơsit tong, Việt Nam lêng kơ lăng yôm hăng čang rơmang hrŏm hăng dêh čar Nga tŏ tui ba tơlơi rô nao rai gru grua kơplah wah dua bơnah jai pơđĭ kyar, tŭ yua, sit nik, hơđong kjăp hăng đăo gơnang. Hluai tui tơlơi rô nao rai hiam klă dua bơnah, tơlơi ngă hrŏm kơplah wah Ding jum kông ang Việt Nam hăng Ding jum bruă ječ dêh čar Nga hơmâo akŏ pơjing hơdôm thun laih rơgao, ba glăi boh tŭ yua hiam klă amăng djop mơta bruă.

Khua ding jum Kurenkov Aleksandr Vyacheslavovich pơsit tong, tơlơi ngă hrŏm kjăp kơplah wah dua ding jum amăng djop mơta bruă, sit biă ñu lĕ bruă pơgang apui ƀong hăng djru mă mơnuih bưp tơlơi truh sat, pơlăi nao rai tơlơi găn rơgao amăng pơhŭi hlâo hăng pơsir hĭ hơdôm bruă ječ, pơgôp ngă dơlăm tui, hơkrŭ tơlơi rô nao rai giang mah, gru grua kơplah wah dua boh dêh čar jai hơđong kjăp, pơđĭ kyar.