Hơ-ưč hmưi Khua anih jưh pơ ala kơ New Zealand hmâo ngă giong prong laih rơwang bruă rơgao ƀơi Việt Nam, Khua Ding jum Tô Lâm pơsit yôm hơdôm tơlơi gum hơgôp klă mơ̆ng Khua anih jưh amăng rơwang bruă rơgao, mơ̆ng anun djru yôm phăn amăng pơtrut tơlơi Gum hrŏm kơplah wah dua bôh dêh čar lăi hrŏm, tơlơi gum hrŏm kơplah wah Ding jum Kông ang Việt Nam hăng hơdôm ƀirô mă bruă tơlơi phiăn New Zealand.

Khua Ding jum Tô Lâm čang rơmang, pơ̆ anăp anai, dua bơnah amra pơtrut pok pơhai ba glăi bôh tơhnal hloh dong “Tơlơi pơkôl gum hrŏm kơplah wah Ding jum Kông ang Việt Nam hăng Ƀirô tơhan polih dêh čar New Zealand gah pơgang, pơgăn ƀing ngă soh găn rơgao dêh čar arăng” hmâo kĭ amăng thun 2019. Čang rơmang Khua anih jưh pơ ala Tredene Dobson amra hmâo dong lu tơlơi pơčeh phrâo pioh pơtrut kơtang tơlơi rô nao rai gum hrŏm kơplah wah dua bôh dêh čar amăng lu bruă./.