Ƀơi plơi prong Kontum, Grŭp hyu mă bruă mơng Ding jum kơsem min bôh thâo phrâo hăng hơdră phrâo măi mok dêh čar ta yua kơ Ding kơna Ping gah dêh čar, Khua Ding jum ơi Huỳnh Thành Đạt ngă Khua Grŭp hmâo laih mông mă bruă hăng khua tơring čar Kontum hăng hơdôm gơnong bruă gơgrong  mơng plơi pla kơ bruă pơlar phun sâm Ngọc Linh hăng gơnam sâm lŏn ia Việt Nam mơ̆ phun than lĕ sâm Ngọc Linh.

Tơdơi kơ lu thun pơgang djuai phun pla, truh ră anai tơring čar Kontum hmâo abih bang lŏn pla rơbêh kơ 1.260 ektar đang sâm Ngọc Linh hăng abih bang mrô sâm him lăng hmâo 213 tơn, tơhnal pơkă truh thun 2025 abih bang kual lon pla sâm Ngọc Linh mơng tơring čar hmâo 4.500 ektar. Pơhiăp amăng mông mă bruă, Khua Ding jum kơsem min bôh thâo phrâo hăng hơdră phrâo măi mok ơi Huỳnh Thành Đạt jao bruă gơgrong rơđah kơ rim anom bruă gơgrong mơng Ding jum hăng rơkâo hơdôm bôh anom tañ kơsem min pok pơhai ngă tui. Khua Ding jum Huỳnh Thành Đạt pơsit anai ăt lĕ hơdôm jơlan gah yôm phăn hăng phun ñu pioh pơlar kơjap sâm Ngọc Linh./.