Tơdơi kơ mông čơkă, Đại tướng Phan Văn Giang hăng Đại tướng Tea Seiha, git gai hrŏm mông jơnum bơkơnar dua grup khua mua. Dua bơnah hơmâo lăng glăi, amăng thun blan rơgao, tơlơi rô nao rai ngă hrŏm gah bruă ling tơhan kơplah wah dua bơnah ba glăi boh tŭ yua sit nik, tŏ tui jing sa amăng hơdôm bruă phun amăng tơlơi rô nao rai dua bơnah. Bruă pơbưp nao rai kơplah wah khua mua djop gưl, sit biă ñu lĕ khua mua pơprong hơmâo tŏ tui na nao, ba tơlơi rô nao rai bruă ling tơhan jai pơđĭ kyar djop mơta hăng dơlăm tui.

Pơ anăp anai, dua bơnah tŭ ư kơtưn gum hrŏm, tŏ tui pok pơhai tŭ yua tơlơi pơtrun rơwang thun 2019-2024 hăng akŏ bruă ngă hrŏm rĭm thun, ba tơlơi ngă hrŏm bruă ling tơhan pơđĭ kyar phrâo, pơgôp yôm hăng pơđĭ kyar hiam klă tơlơi rô nao rai giang mah sui thun, ngă hrŏm djop mơta, hơđong kjăp kơplah wah Việt Nam hăng Kur.