Pơhiăp ƀơi mông bưp, Khua tơhan krên dên Phan Văn Giang, Khua ding jum ling tơhan dêh čar Việt Nam lăi pơtong, anai lĕ sa bruă mă yôm lăp hơdor pioh amăng gru phun dêh čar, djru kơ bruă čih pioh gru grua phun phrâo kơ tơlơi ngă giăng mah, gum pơgôp hăng ngă hrŏm hlom bom klâo bơnah ling tơhan dêh čar. Khua tơhan krên dên Chansamone Chanyalath, Kơ-iăng Khua dêh čar, Khua ding jum ling tơhan dêh čar Lao lăi: Ling tơhan klâo bơnah dêh čar lĕ ling tơhan phun amăng bruă akŏ pơjing, wai pơgang, djă pioh, pơđĭ tui tơlơi ngă giăng mah, gum pơgôp yôm pơphăn phara biă mă mơ̆ng klâo boh dêh čar.

Khua tơhan krên dên Tea Seiha, Kơ-iăng khua dêh čar, Khua ding jum ling tơhan dêh čar Kur lăi pơtong: Hơdră jơnum bưp nao rai ding jum ling tơhan tal sa anai mơ̆ng klâo boh dêh čar Kur-Lao-Việt Nam jing mông gêh găl kơ hơdôm bơnah lăi pơthâo bruă mă, boh tơhnal dưi ngă laih anun ƀuăn rong ngă kjăp tui tơlơi pŭ ƀăn giăng mah gru grua mơ̆ng đưm, lŏn ia jĕ giăm ieo gah hiam mơak, pơgang ba boh tŭ yua hrŏm kơ lŏn ia hăng mơnuih ƀôn sang.