VOV4.Jarai - Lơ 21/9, Jơnum khua ding jum ASEAN kơ bruă pơgăn ƀing ngă soh mơng djop dêh čar tal 16 hăng anăn “ASEAN gum hrŏm bơkơdong glăi hơdôm tơlơi lông” hăng hơdôm tal jơnum bơdjơ̆ nao bruă pơphun lăng nao rai mơng ataih. Khua ding jum ơi Tô Lâm, Ding kơna Ding jum kơđi čar, Khua ding jum kông ang Việt Nam nao jơnum hrŏm.

Đĭ pơhiăp amăng mông jơnum abih bang Khua ding jum ơi Tô Lâm brơi thâo hluai tui bruă pơjing “pran đăo gơnang” amăng pơgang, pơgăn ƀing ngă soh mơng djop dêh čar hăng ba glăi pran đăo gơnang tơdruă, hơdôm anom bruă phiah phiăn kual ASEAN kiăng tŏ tui hơkrŭ hăng pơtrut kơtang lơ̆m pok pơhai brơi tŭ yua, sit nik hơdôm jơlan hơdră, akŏ bruă ngă hrŏm amăng pơgang, pơgăn ƀing ngă soh mơng djop dêh čar amăng hơdôm hơdră ngă hrŏm djop bơnah amăng kual ASEAN. Laih dong pơtrut kơtang amăng bruă pơlăi nao rai tơlơi pơhing hăng tơlơi găn rơgao amăng bruă kơdong glăi ƀing ngă soh mơng djop dêh čar amăng kual, sit biă ñu ƀing mơnuih ngă soh glăk ƀuh lu tui lĕ ƀing sĭ dŏp hŏt ma túy, pơsuh amăng plang internet.

Siu Đoan: Pơblang