Tŭ ư hăng tơlơi jak iâu mơng Ding kơna Ding jum kơđi čar, Khua anom bruă Jơnum min ngă hrŏm pơtom hiăp Ping gah Cộng sản, Khua ding jum pơtom hiăp dêh čar Khač Vương Nghị, Khua ding jum pơtom hiăp Bùi Thanh Sơn ba jơlan hlâo khua mua dêh čar Việt Nam nao jơnum.

Đĭ pơhiăp amăng mông jơnum, Khua ding jum Bùi Thanh Sơn pơsit tong Việt Nam lăng yôm hăng amra tŏ tui pơgôp amăng bruă ngă hrŏm kơplah wah 6 boh dêh čar. Anăp nao hơnong pơkă pơjing pơgi kơdih hiam klă brơi mơnuih ƀon sang, khua ding jum rơbâo 4 mơta bruă prong hloh ngă hrŏm MLC pơ anăp anai, amăng anun hơmâo pơđĭ kyar gơnong bruă tuh tia pơkra ming phun, ƀơƀrư̆ pơplih pơkra hăng tơngan, bruă dưm truă, hơdai nao kơsem min, pơplih pơka phrâo; pơtrut pơplih yua boh thâo ia rơgơi hluai tui hơdôm hơdră bơwih ƀong pơplih phrâo hăng pơgang hơđong plang internet, ngă hrŏm pơđĭ kyar mơnuih mă bruă rơgơi, plơi prong rơgơi, pơplih yua boh thâo phrâo amăng hơdôm anom bơwih ƀong sĭ mơdrô anet hloh, gap ƀrô hăng anet.