Ƀơi hơdôm anih bưp, ƀing tơbiă anăn ruah ngă Khua pơ ala mơnuih ƀôn sang tal XVI lăi pơthâo jơlan hơdră bruă mă, lăi rơđah jơlan gah hăng hơmâo tơlơi ƀuăn tơdah hơmâo ruah đĭ. Ƀing tơbiă anăn pơsit tong jơlan hơdră bruă mă đing nao pơđĭ kyar bơwih ƀong huă-mơnuih mơnam amăng ƀôn prong Huế pơlir hăng djă pioh laih dong tŏ tui gru grua yôm phara; pơsir hĭ hơdôm bruă man pơdong anih anom ƀôn prong, jơlan glông, djru tơlơi hơdip mơnuih mơnam, pơhrŏ trun ƀun rin hơđong kjăp; pơgôp ngă tui truh kih tơlơi pơtrun Jơnum Ping gah ƀôn prong Huế tal XVII, rơwang thun 2025-2030.

Đĭ pơhiăp amăng mông bưp mơnuih ƀôn sang, ơi Lê Hoài Trung pơdah pran pơ-ư ang lơm dưi tơbiă anăn ruah khua ƀơi plơi pla pô mơtăm hăng lăi pơtong tơlơi glăm ba mơng ƀing Khua pơ ala mơnuih ƀôn sang.