Khua ding jum pơtom hiăp ơi Bùi Thanh Sơn tŭ jum Khua pơ ala mơnuih ƀôn sang Bulgium
Thứ tư, 05:14, 23/08/2023
VOV/Nay Jek pơblang
VOV/Nay Jek pơblang
VOV4.Jarai-Mơguah tom brơi, lơ 22/8, ƀơi sang bruă Khua ding jum pơtom hiăp dêh čar ơi Bùi Thanh Sơn Khua ding jum hơmâo tŭ jum Khua gơnong dlông pơ ala mơnuih ƀôn sang dêh čar Bulgium yă Stephanie D’Hose hlăk rai čuă jơmư sit nik Việt Nam mơ̆ng lơ 21-25.8.2023.
Khua ding jum ơi Bùi Thanh Sơn lăng yôm tal rai čuă jơmư anai, pơdah rai bruă mă giăng mah pŭ ƀăn hiam klă laih anun bruă ngă hrŏm plah wah Việt Nam hăng Bulgium, jing sa gru kơđŏm yôm pơphăn kơ bruă ngă giăng mah dua bơnah.
Dua bơnah ăt tŭ ư amra ngă gêh găl kơ bruă rô nao rai mơnuih ƀôn sang dua bơnah, brơi jĕ giăm bơwih ƀong huă, sĭ mơdrô hăng tuh pơ alin; ăt ngă hrŏm tŭ yua djru nao rai amăng mông jơnum lu dêh čar hăng jar kmar, biă mă ñu dua boh dêh čar pơlir hrŏm tong ten amăng Khul pơgang tơlơi dưi ană mơnuih rơwang bruă thun 2023-2025 djru hrŏm hăng amăng bruă kiăng ba glăi boh tŭ yua lu, tơpă, djơ̆ hnong, bơkơnar tui tơlơi pơbưp nao rai, ngă hrŏm hăng pơpŭ tơdruă.
Viết bình luận