Ding jum pơtom hiăp tom brơi (28/10) pơphun mông lăi pơthâo Tơlơi pơsit mơng Khua Ding jum pơtom hiăp kơ bruă pơjing hăng mă yua Tơlơi pơkă bruă mă mơng Grŭp črâo ba gah Ding jum pơtom hiăp kơ bruă pơgang ba mơnuih Việt Nam pơ̆ dêh čar tač rơngiao, hrom hăng anun pơphun jơnum Grŭp črâo ba tal sa.

Kơ-iăng Khua ding jum pơtom hiăp Phạm Quang Hiệu pơhiăp amăng mông ngă lơphet lăi pơthâo

Kơ-iăng Khua Ding jum pơtom hiăp Phạm Quang Hiệu, Khua Grŭp črâo ba git gai bruă jơnum. Pơhiăp amăng mông jơnum, Kơ-iăng Khua Ding jum ơi Phạm Quang HIệu pơtŏng sit Grŭp mă bruă Ping gah, Khua git gai Ding jum pơtom hiăp pơsit bruă pơgang ba mơnuih lĕ sa bruă mă kơđi čar mơng Ding jum pơtom hiăp, dưi ngă tui na nao hăng čang rơmang bruă anai jai hrơi hmao tlôn, ba glăi bôh tơhnal hloh, pơhlôm hloh tơlơi črâo ba hluh gah hăng gum hrom klă kơplah wah amăng hăng gah rơngiao dêh čar. Bruă pơdŏng hăng mă bruă mơng Grŭp črâo ba amra pơđĭ tui anô̆ klă, tơhnal juăt bruă mơng bruă pơgang ba mơnuih dêh čar pô pơ̆ anăp anai./.