Đĭ pơhiăp pơđut mông jơnum, Khua ding jum Tô Lâm rơkâo Khua mua hơdôm anom bruă kông ang tŏ tui hruă kjăp, ngă tui klă hơdôm tơlơi črâo trun, hră pơ-ar git gai mơng Ping gah, Kơnuk kơna, mơng Ping gah kông ang gơnong glông, Ding jum kông ang amăng pơjing kông ang gưl să; đing nao pơplih pơkra, pơsir hĭ anŏ aka ƀu klă, hyu pel ĕp, krăo lăng na nao, gơgrong, anăm brơi dŏ na nao anŏ aka ƀu klă, lok nao lok rai.

Hăng ƀing khua kông ang să, Khua ding jum rơkâo kiăng răng kơđiăng, gir run kiăng dưi ngă hơdôm hơnong pơkă, djơ̆ hăng tơlơi kiăng mut hrŏm Khul apăn bruă Ping gah gưl să, Lơm mut hrŏm khul apăn bruă Ping gah gưl să kiăng ngă tui pran gơgrong, pơgôp amăng bruă git gai pơtrut kơtang amăng pơhlôm hơđong hăng djru brơi gưl Ping gah, gong gai ƀon lan.