Anai lĕ anih pơtô hrăm akŏ phun mơng gơnong bruă kông ang, hăng gru grua găn rơgao rơbêh 77 thun akŏ pơjing, pơđĭ kyar, Sang hră pơtô kông ang hơmâo 30 thun pơtô hrăm tơdơi kơ hrăm giong gưl prong. Đĭ pơhiăp amăng mông ngă lơphet, Khua ding jum Kông ang Tô Lâm rơkâo sang hră tŏ tui hruă kjăp, pơphun ngă tui tŭ yua hơdôm tơlơi črân trun, tơlơi git gai mơng Ping gah, Kơnuk kơna amăng pơplih phrâo djop mơta amăng pơtô hrăm, amăng anun hơmâo pơtô hrăm tơdơi kơ hrăm giong gưl prong.

Laih dong, pơsit tong bruă pơtô hrăm tơdơi kơ hrăm giong gưl prong,  pơlir hăng bruă pơtô hrăm, pơđĭ kyar ƀing apăn bruă brơi klă tui mơng gơnong bruă kông ang kiăng gơgrong pơplih phrâo, hrưn đĭ klă dong djop mơta amăng pơtô hrăm lăi hrŏm, pơtô hrăm tơdơi kơ hrăm giong gưl prong hnun mơn djơ̆ hăng tơlơi rơkâo amăng pơjing tơhan kông ang mă bruă tơpă sit, prong kơtang, chính quy, rơguăt bruă, pơplih phrâo, djơ̆ hăng tơlơi rơkâo, bruă jao amăng rơnuk phrâo.