Mơguah lơ 13/1, ƀơi Sang jơnum dêh čar, Ding kơna Ding jum kơđi čar, Khua djru bruă khul git gai Ping gah ơi Trần Cẩm Tú, Khua grup pơphun djru brơi Jơnum ruah khua mua đơ đam dêh čar tal XIV mơng Ping gah hơmâo mông git gai tañ hơdôm bruă prap lui jơnum kơđi čar yôm phăn amăng dêh čar ta. Khua djru bruă khul git gai Ping gah hơmâo nao pel ĕp ƀơi anăp bruă tol yol dưm dăp amăng sang jơnum; hơdôm anih dŏ brơi ƀing mă tơlơi pơhing, anih git gai mơng Ding jum kông ang, hơdôm anih anom bơdjơ̆ nao, bruă gah ia jrao hăng hơdôm hơdră pơhlôm rơnuk rơnua, hơđong.

Mơng pel ĕp, hơdôm boh tơhnal prap lui djơ̆ tơlơi rơkâo, hrơi mông ba tơbiă. Khua djru bruă khul git gai Ping gah rơkâo djop anih anom tŏ tui gum hrŏm kjăp phik, pel ĕp tong ten kiăng pơplih pơkra rĭm bruă, prap lui klă mông pơphun lông lăng Jơnum ruah khua mua Ping gah. Hăng hơdôm tơlơi pơgôp tơdơi kơ pel ĕp tañ, Khua djru bruă Khul git gai Ping gah rơkâo djop ding jum, gơnong bruă ječ ameč gum hrŏm pơsir hĭ, ngă tui djơ̆ tơhnal pơkă, hăng hơnong pơkă prong hloh lĕ pơhlôm brơi Jơnum ruah khua mua đơ đam dêh čar tal XIV mơng Ping gah pơphun truh kih, pơhlôm rơnuk rơnua, yôm phăn hăng djơ̆ tơlơi rơkâo kơđi čar.