VOV4.Jarai - Čơtlăm lơ 11/10, Khua git gai Ping gah dêh čar ta ơi Nguyễn Phú Trọng, Khua git gai Ping gah Khul ling tơhan dêh čar hmâo nao pơbưp laih ƀô̆ mơta 80 čô mơnuih pơ ala kơ 450 čô mơnuih hlăk ai gah Khul ling tơhan nao pơhmư̆ mông Jơnum Khul hlăk ai rơnuk Hồ Chí Minh Khul ling tơhan tal 10 rơwang bruă 2022-2027.

Đơ đam anih pơbưp 

Ră ruai hăng ƀing khua pơ ala, Khua git gai Ping gah dêh čar ta ơi Nguyễn Phú Trọng bơni hơdôm bôh than mơng hlăk ai gah khul ling tơhan dưi ngă amăng hơdôm thun rơgao, hrom hăng anun ba tơbiă tơlơi rơkâo hăng hlăk ai khul ling tơhan hăng bruă hlăk ai khul ling tơhan khom pơđĭ kyar kơtang, kơjăp hloh dong.

Khua git gai Ping gah čơphin rup djă hơdor pioh hăng ƀing mơnuih pơ ala

Amăng anun, khom đing nao pơđĭ tui anô̆ klă bruă pơtô pơhrăm kơđi čar, tơlơi pơmin; pơtô juăt tơlơi pơmin ngă hơkrŭ, pran jua, jơlan gah bôh thâo kơ hlăk ai Khul ling tơhan rơwang mơng 2015-2030, bơwih brơi dong akô̆ pơphun grŭp kơjăp kơtang; Pơđĭ tui anô̆ klă, bôh tơhnal gum hrom bruă mă hăng khul hlăk ai plơi pla amăng kual pơdŏng puih kơđông, ngă klă bruă pơtô ba mơnuih ƀôn sang, pơdŏng gru than kơđi čar, hơkrŭ bruă pơgang lŏn ia rơnuk rơnua plơi pla, pơđĭ kyar bơwih ƀong, bôh thâo mơnuih mơnam djru pơdŏng tơlơi rô nao rai gum hrom hơbit adơi ayong, tơhan hăng mơnuih ƀôn sang hăng hơkrŭ pran gơgrong amăng mơnuih ƀôn sang./.

VOV.VN čih

Siu H’ Prăk pơblang