Mơguah lơ 16/8/2023, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng, Khua khul git gai jơnum tal 24 Khul git gai gơnong glông kơ bruă pơgăn ƀong kông ngăn, bruă ngă soh kiăng pơčrông sai, pơgôp hiăp amăng boh than dưi ngă mơng Khul 6 blan akŏ thun 2023 hăng lăng glăi bruă pơgăn hưp ƀong kông ngăn, bruă ngă soh mơng akŏ rơwang Jơnum Ping gah tal XIII truh ră anai; pơsit tong bruă jao akŏ phun amăng hơdôm blan rơnuč thun hăng pơ anăp dong. Hlâo anun, lơ 10/5, Khul git gai gơnong glông kơ bruă pơgăn hưp ƀong kông ngăn, bruă ngă soh pơphun jơnum tui tơlơi git gai mơng Khua git gai Ping gah dêh čar ơi Nguyễn Phú Trọng.

Amăng mông jơnum anai, Khul git gai rơkâo djop gưl, khul grup Ping gah, anom bruă bơdjơ̆ nao tŏ tui pơtrut bruă pơgăn hưp ƀong kông ngăn, bruă ngă soh hăng pran jua “khut khăt, gir run, ƀu pơdơi, ƀu lui ruh, ƀu hơmâo anih kŏm, ƀu hlơi gah rơngiao, mah hlơi tŭ mơn”, pok pơhai ngă tui tŭ yua hơdôm bruă jao pơgăn hưp ƀong kông ngă, bruă ngă soh tui tơlơi klah čun mơng Jơnum tal 23 mơng Khua git gai Ping gah, Khua khul git gai hăng jơlan hơdră bruă mă thun 2023 mơng Khul git gai.