VOV4.Jarai - Lơ 27/9/2022, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng git gai Khul apăn bruă Ping gah kiăng sem lăng, pơsir kơđi ngă soh mơng ƀing apăn bruă anun lĕ: ơi Tô Anh Dũng, Ding kơna Khul apăn bruă Ping gah, Kơ-iăng Khua ding jum pơtom hiăp; ơi Nguyễn Quang Linh, mơnuih djru bruă kơ ơi Phạm Bình Minh, ding kơna Ding jum kơđi čar, Kơ-iăng Khua dêh čar, Tơdơi kơ sem lăng tơlơi rơkâo mơng Jơnum min pel ĕp gơnong glông, Khul apăn bruă Ping gah brơi ƀuh: ơi Tô Anh Dũng hăng Nguyễn Quang Linh aka ƀu ngă tui djơ̆ hăng hơmâo tơlơi pơmĭn soh glăi, hưp ham; ngă soh hăng tơlơi pơkă mơng Ping gah, tơlơi phiăn mơng Kơnuk kơna amăng pơgăn hưp ƀong kông ngă, bruă ngă soh; ngă soh hăng tơlơi pơkă bơdjơ̆ nao bruă ƀing mơnuih apăn bruă Ping gah ƀu dưi ngă hăng pran gơgrong ba gru; ngă sat nao tơlơi đăo gơnang mơng Khul grup Ping gah. Hluai tui boh tơhnal, bruă sit nik, ba truh tơlơi sat, yua hơget ngă soh; tui tơlơi pơkă mơng Ping gah amăng pơsir kơđi ngă soh, Khul apăn bruă Ping gah pơsit brơi tơbiă mơng Ping gah hăng ơi Tô Anh Dũng hăng Nguyễn Quang Linh.

VOV.VN

Siu Đoan: Pơblang