Khua git gai Ping gah dêh čar ơi Nguyễn Phú Trọng nao lăng hăng đĭ pơhiăp amăng mông jao miđai. Amăng mông jao miđai 60 mut Ping gah hăng ƀơk bơnga pơpŭ kơ Khua git gai Ping gah hơđăp ơi Nông Đức Mạnh, Khua git gai Ping gah ơi Nguyễn Phú Trọng pơsit tong, ơi Nông Đức Mạnh lĕ mơnuih apăn bruă djuai ania ƀiă, tơkeng hăng hơdip truh prong mơng plơi pla kual kơdư hơmâo gru grua khăp kơ lŏn ia, ngă hơkrŭ, hơmâo lu wŏt ngă khua mua ƀơi hơdôm anih anom mơng Khua git gai Ping gah tơring čar, Khua git gai pơ ala mơnuih ƀôn sang dêh čar tal IX, X hăng Khua git gai Ping gah tal IX (rơwang thun 2001-2006), tal X (rơwang thun 2006-2011).

Mah mă bruă hơget, ơi Nông Đức Mạnh ăt lêng kơ kĕ phĭ tui Ping gah, tui Kơnuk kơna hăng mơnuih ƀon sang; gir run tui hơnong pơkă, tơlơi črâo trun mơng Ping gah; ƀu pơdơi hrăm tui, gir run pơgiong klă bruă jao.