VOV4.Jarai - Hrơi tom brơi (30/9), ƀơi Ƀirô mă bruă, Khua git gai Ping gah dêh čar ơi Nguyễn Phú Trọng git gai Jơnum Ding jum kơđi čar kiăng sem lăng, pơsir bruă ngă soh mơng ơi Bùi Nhật Quang, Ding kơna Ping gah, Ding kơna Khul apăn bruă Ping gah Khul hơdôm anom bruă gơnong glông, Khua khul git gai Ping gah, Khua anom bruă kơsem min boh thâo mơnuih mơnam Việt Nam.

Ơi Bùi Nhật Quang, ding kơna Ping gah dêh čar

Tơdơi kơ sem lăng tơlơi rơkâo mơng Jơnum min pel ĕp gơnong glông, Ding jum kơđi čar ƀuh: Tơlơi ngă soh mơng ơi Bùi Nhật Quang ba glăi tơlơi sat prong, ngă rung răng amăng mơnuih apăn bruă, ngă bơngŏt amăng Ping gah, bơbeč sat nao tơlơi đăo gơnang mơng Ping gah, anom bruă kơsem min boh thâo mơnuih mơnam Việt Nam hăng ñu pô. Hluai tui boh tơhnal, bruă ngă sit nik, tơlơi ngă soh, anŏ pơglăi sat, hăng bruă ba truh; tui tơlơi pơkă mơng Ping gah kơ bruă pơsir tơlơi ngă soh mơng ƀing apăn bruă, Ding jum kơđi čar pơsit jăm ƀuah hơdôm bruă ngă soh mơng ơi Bùi Nhật Quang. Rơkâo djop anom bruă bơdjơ̆ nao pơsir hĭ djơ̆ tơlơi pơkă hăng ơi Bùi Nhật Quang lăp djơ̆ hăng tơlơi pơkă mơng Ping gah.

Siu Đoan: Pơblang