Tlam lơ 21/10, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng tŭ jum Khua čih pioh Sang gum hơbit djop dêh čar ơi Antonio Guterres. Khua git gai Ping gah dêh čar ơi Nguyễn Phú Trọng hrŏm hăng Khua čih pioh Sang gum hơbit djop dêh čar lăng glăi gru grua hing ang mơng dêh čar Việt Nam hăng gru grua hơdip hiam klă mơng mơnuih ƀon sang dêh čar Việt Nam;

Khua git gai Ping gah dêh čar tŭ jum Khua čih pioh Sang gum hơbit djop dêh čar

Laih dong hơdôm tơlơi dưi djop mơta mơ̆ Việt Nam dưi ngă amăng 35 thun pơplih phrâo lŏn ia; hơdôm boh than yôm phăn dưi ngă amăng hơdôm thun giăm anai amăng pơgang klin Covid-19, hơkrŭ glăi hăng pơđĭ kyar bơwih ƀong huă, pơhlôm tơlơi hơdip mơda kơ mơnuih ƀon sang. Khua git gai Ping gah pơsit tong, Việt Nam tŭ ư hăng hơdră pơtom hiăp hơjăn, ngă pô, rơnuk rơnua, giang mah, ngă hrŏm hăng pơđĭ kyar, djop mơta, djop bơnah amăng bruă pơtom hiăp; lĕ ding kơna gir run amăng bruă jar kmar.