Khua git gai Ping gah dêh čar ơi Tô Lâm bưp mơnuih ƀôn sang ruah khua ƀôn prong Hà Nội
Thứ tư, 10:40, 01/10/2025
VOV/Siu Đoan Pơblang
VOV/Siu Đoan Pơblang
VOV.Jarai-Tlam lơ 30/9, amăng jơnum hơdră bưp mơnuih ƀôn sang ruah khua hlâo jơnum lok 10, Khua pơ ala mơnuih ƀôn sang dêh čar tal XV, khua git gai Ping gah dêh čar ơi Tô Lâm bưp mơnuih ƀôn sang ƀơi sa, dua boh să amăng ƀôn prong Hà Nội.
Amăng mông bưp, Khua git gai Ping gah lăi pơthâo tañ kơ bruă amăng lŏn ia, sit biă ñu lĕ bruă prap lui jơnum tal XIV mơng Ping gah. Truh ră anai, Jơnum Ping gah djop gưl ƀon lan hăng gưl glông ƀiă hơmâo pơgiong; hơdôm Ping gah mơng gơnong glông him lăng amra pơtrut pơgiong blan 10/2025.
Kơ bơwih ƀong huă-mơnuih mơnam, him lăng thun anai 15/15 hơnong pơkă lêng kơ dưi ngă, amăng anun pơhrui ngăn drăp lu hloh truh 2,5 klăk klai prăk. Khua git gai Ping gah tŭ yap tơlơi gum pơgôp prong mơng Hà Nội amăng tơlơi dưi hrŏm đơ đam dêh čar, laih dong lăi pơtong boh than anai pơdah tơlơi gir run prong hloh mơng djop djuai ania. Ñu pơsit tong tơlơi yôm hloh lĕ lŏn ia ta hơđong, rơnuk rơnua hăng pơđĭ kyar kjăp phik.
Viết bình luận