Mơnuih ƀôn sang čang rơmang bruă dưm dăp anih anom amra jing atur ba lŏn ia yak nao rơnuk pơđĭ kyar phrâo. Lu tơlơi pơgôp lăng yôm bruă Ding jum kơđi čar ba tơbiă 7 tơlơi pơtrun yôm phun amăng thun 2025, hrŏm hăng bruă Khua pơ ala mơnuih ƀôn sang dêh čar tal XV amra sem lăng, tŭ yap mă yua lu črăn tơlơi phiăn hăng tơlơi pơtrun pơprong.

Kơ hơbô̆ bruă gong gai dua gưl pok pơhai lơ 1/7/2025, mơnuih ƀôn sang brơi thâo hơmâo lu boh than ba glăi rơđah rơđông, sit biă ñu lĕ hơdră pơsir brơi pơdơi mă bruă tui tơlơi pơsit mrô 178 hăng 67. Pơ ala brơi Khul Khua pơ ala mơnuih ƀôn sang Hà Nội, Khua git gai Ping gah dêh čar ơi Tô Lâm pơsit tong hơdôm tơlơi pơgôp hiăp lêng kơ lăp djơ̆, hơmâo Ding jum kơđi čar, Khul git gai Ping gah đing nao, git gai hăng lăi pơthâo klah čun kiăng pơhlôm gong gai ƀôn lan mă bruă tŭ yua, ƀơƀrư̆ yak nao lăp djơ̆ tơlơi rơkâo amăng pơđĭ kyar.