Pơphun jơnum, Khua git gai Ping gah dêh čar brơi thâo, bruă ngă tui tơlơi pơtrun mrô 18 amăng hrơi blan rơgao hơmâo ba glăi boh tŭ yua blung a, samơ̆ bruă dưm dăp pơphun bruă mă aka ƀu ha amăng plĕ, djop mơta pơphun bruă mơng anih anom kơđi čar ăt dŏ gun găn amăng lu gưl, lu anih anom, bruă jao bơdjơ̆ hrŏm, pơčut nao rai, aka ƀu tong ten, pơkah gưl, bruă mă aka ƀu ha amăng plĕ, aka ƀu klă, boh tŭ yua amăng bruă mă aka ƀu prong.

Khua git gai Ping gah dêh čar lăi pơtong, bruă pơplih dưm dăp pơphun bruă mă mơng anih anom kơđi čar tơpă, hơbot, kơtang, klă hloh, ba glăi tŭ yua lĕ kiăng hloh amăng tui tơlơi sit nik ră anai; anai ăt lĕ bruă jao yôm phăn hơmâo mơnuih apăn bruă Ping gah hăng mơnuih ƀôn sang čang rơmang  hăng tơlơi dong yua prong hloh hăng glăk lar hyu tơlơi dong yua mơng abih bang mơnuih.