Tlam lơ 27/1, Khua git gai Ping gah dêh čar ơi Tô Lâm git gai mông mă bruă hăng Khul apăn bruă Ping gah tơring čar Quảng Ninh kơ hơdôm hơdră pơtrut pơđĭ kyar bơwih ƀong huă-mơnuih mơnam, pơhlôm rơnuk rơnua, hơđong. Hră lăi pơthâo amăng mông mă bruă brơi ƀuh thun 2025, GRDP (Abih tih gơnam tam amăng ƀon lan) amăng tơring čar Quảng Ninh đĭ giăm 12%, lu hloh đơ đam dêh čar; tơlơi bơwih ƀong huă pok prong, pơglăi mơng bruă mă đĭ rơbêh 13%, pơhrui ngăn drăp rơbêh 85 rơbâo klai prăk, tuh pơ alin tŏ tui pơplih phrâo.

Đĭ pơhiăp amăng mông mă bruă, Khua git gai Ping gah rơkâo Quảng Ninh hruă kjăp ngă tui pran jua ngă bruă mơng Jơnum tal XIV mơng Ping gah, pok pơhai ha amăng plĕ hơdôm jơlan gah akŏ phun, pơjing jơlan hơdră bruă mă tong ten, tŭ yua, pơsit tong djơ̆ bruă mă, jơlan ngă bruă, ngăn rơnoh hăng hơnong pơkă. Laih dong, ƀon lan kiăng pơplih glăi anih pơđĭ kyar, pơmut hrŏm bul pơtâo, guai lŏn ia, gru grua hăng plơi pla jing glông pơlir mut hrŏm kiăng ngă pơtrut pơđĭ kyar hơđong kjăp, sui pơ anăp.