Khua git gai Ping gah dêh čar pơtŏng sit, amăng bruă ngă hơkrŭ, Ping gah, Kơnuk kơna ta pơtŏng sit na nao bruă pơtô pơhrăm jing hơdră đing nao hlâo, jing pơgi kơdih anai djuai ania. Ră anai, amăng bruă pơplih phrâo lŏn ia, pơplih phrâo pơtô pơhrăm ăt dưi hmâo Ping gah đing nao git gai, črâo ba hăng ba glăi lu bôh tơhnal klă.

Khua git gai Ping gah dêh čar rơkâo, khom pok pơhai mơtăm jơlan lŏm lui tơlơi ƀu thâo hră, biă ñu kual asuek, ataih, amăng neh wa djuai ania ƀiă; Đing nao pel ĕp dong, pơsir pơđut tơlơi kơƀah sang hră, kơƀah anih hrăm ƀơi sa dua bôh ƀôn prong pơprong, kual sang măi; pơkra kơjăp sang hră, anih hrăm, nao hrŏm hăng pơhlôm anih dô̆ kơ nai pơtô čơđai kual asuek, ataih, kual neh wa djuai ania ƀiă; Pơhlôm ngăn drăp kơnuk kơna mă yua kơ pơtô pơhrăm ƀiă biă mă ñu 20% amăng abih bang prăk mă yua ngăn drăp kơnuk kơna tui djơ̆ Tơlơi pơtrun pơsit mơ̆ Ping gah hmâo ba tơbiă./.