Hiăp bit hăng ƀing mơnuih glăk kiăo tui hrăm, Khua git gai Ping gah dêh čar ơi Tô Lâm hơmâo lăi pơthâo sa, dua boh tơhnal phun kơ rơnuk hrưn đĭ pơplih phrâo, rơnuk hrưn đĭ mơng djuai ania; anai lĕ atur pơdah hơnong pơkă dêh čar yak nao rơnuk pơplih phrâo, rơnuk hrưn đĭ mơng djuai ania; tui anun, rơnuk hrưn đĭ lĕ thun blan kơđŏm glăi hơdôm tơlơi yôm phăn ƀudah hơdôm bruă bruă bơdjơ̆ nao prong bruă pơđĭ kyar mơng mơnuih mơnam-gru grua-kơđi čar-anih hơdip jum dar.

Khua git gai Ping gah dêh čar ơi Tô Lâm pơsit tong, hrơi mông pok pơphun rơnuk hrưn đĭ pơplih phrâo lĕ mơng Jơnum Ping gah tal XIV, mơng anai, abih bang mơnuih ƀôn sang Việt Nam, hơdôm rơtuh klăk čô mơnuih kar ha sa, tui tơlơi git gai mơng Ping gah, tơlơi mut hrŏm, gum tơngan hrŏm, hluai tui tơlơi dưi, tơlơi gal, pơgăn hĭ tơlơi lông, ba lŏn ia ta pơđĭ kyar djop mơta, kơtang hloh, hrưn đĭ hăng yak nao pơ anăp.