Hluai tui hơdôm tơlơi pơgôp hiăp abih pran jua, gơgrong mơng ƀing khua mua amăng mông mă bruă, đĭ pơhiăp pơđut mông jơnum, Khua git gai Ping gah dêh čar ơi Tô Lâm lăng yôm hơdôm tơlơi gir run, hơdôm boh than dưi ngă yôm phăn mơng anom pơtô bruă Ping gah, gơnong bruă pơtô bruă Ping gah mơng akŏ rơwang Jơnum tal XIII truh ră anai. Kơ bruă jao pơ anăp, Khua git gai Ping gah dêh čar ơi Tô Lâm rơkâo, anom pơtô bruă Ping gah, gơnong bruă pơtô bruă Ping gah kiăng đing nao ngă tui klă ƀiă dong amăng pơphô bruă pơjing Ping gah kơ kơđi čar, tơlơi pơmĭn, gru hơdip, pơsit tong anai lĕ bruă jao akŏ phun, na nao.

Tŏ tui pơplih kơtang, hrưn đĭ klă dong, ba glăi tŭ yua amăng pơphô bruă, akŏ phun lĕ hơdôm bruă yôm sui pơ anăp, hơdôm bruă atur, djop mơta, sui thun, hơđong kjăp amăng pơtô bruă Ping gah. Pơphô bruă, git gai, črâo ba ngă klă hơdôm hrơi hơdor glăi, hơdôm bruă akŏ phun amăng lŏn ia. Lăi pơthâo, pơčrông sai mă tơlơi pơgôp hiăp mơng ƀing apăn bruă, mơnuih Ping gah hăng abih bang mơnuih ƀôn sang amăng hră pơtrun pơsit amăng mông jơnum.