Tui tơlơi lăi pơthâo glăi, truh ră anai, tơring čar Cà Mau hmâo 15/17 tơhnal pơkă dưi ngă hăng hloh kơ kơčăo bruă pơkă. Ră anai hơdră pơkă bơwih ƀong mơ̆ng tơring čar pơplih djơ̆ jơlan gah. Cà Mau ba jơlan hlâo đơ đam dêh čar kơ prăk pơhrui glăi mơ̆ng hơdang sĭ kơ dêh čar arăng. Đơ đam tơring čar hmâo 64 bôh să djơ̆ tui pơkă plơi pla phrâo.

Klah čun mông mă bruă, Khua git gai Ping gah dêh čar ta ơi Tôm Lâm pơsit yôm tơlơi gir run hrưn đĭ hăng hơdôm bôh tơhnal hmâo mơ̆ Ping gah, gong gai hăng mơnuih ƀôn sang tơring čar Cà Mau dưi ngă amăng hơdôm hrơi rơgao. Khua git gai Ping gah dêh čar ta ăt rơkâo mơn Cà Mau pơtrut pơtlaih tañ dong anô̆ gun, anô̆ tơnap kơ pơđĭ kyar; mă mơnuih ƀôn sang, anom bơwih ƀong ngă phun akha, iâo pơhrui hăng pok pơhai djop ngăn rơnoh amăng lăm hăng gah rơngiao kơ pơđĭ kyar bơwih ƀong - mơnuih mơnam; đing nao pơplih hơdră bruă čar hăng pơplih mrô ha amăng plĕ, abih bang ƀơi kual sang măi hăng kual mơnuih ƀôn sang, pơplih kơtang anih anom tuh pơplai, sĭ mơdrô./.