Pơhiăp bit hăng ƀing apăn bruă, nai pơtô, ƀing kiăo tui hrăm, ling tơhan amăng Sang hră, Khua git gai Ping gah dêh čar ơi Tô Lâm pơpŭ hơdôm tơlơi dưi prong mơng sang hră pơtô boh thâo măi mok ling tơhan amăng giăm 60 thun rơgao, yôm hloh lĕ bruă pơtô brơi ling tơhan hăng lŏn ia ta mơnuih mă bruă thâo rơgơi hloh amăng djop mơta bruă, hăng rơbêh 200 čô nai prin tha, 1.500 čô thạc sĩ, 3.000 čô kĩ sư gah ling tơhan hăng mơnuih ƀôn sang. Ră anai sang bruă glăk tŏ tui pơtô  brơi 6.000 čô mơnuih kiăo tui hrăm.

Tơdơi kơ ĕp lăng tơlơi sit nik amăng lŏn ia hăng jar kmar, Khua git gai Ping gah lăi rơđah, tơlơi pơtrun mơng Jơnum tal XIV mơng Ping gah pơsit tong: Pơjing ling tơhan ngă hơkrŭ, thâo rơgơi, kjăp bruă, pơplih phrâo amăng rơwang ngă bruă thun 2025-2030, yua anun bruă jao phun pơtô hrăm mơnuih mă bruă rơgơi hloh, Sang hră kiăng đing nao ngă tui 5 jơlan gah akŏ phun lăp djơ̆ tơlơi rơkâo bruă jao amăng rơnuk phrâo. Amăng anun pơplih kơtang boh tơhnal, jơlan hơdră pơtô hrăm tui jơlan gah pơplih phrâo, sit nik hăng pơmut nao rai, pơlir kjăp hăng tơlơi sit nik, pơtrut mut hrŏm jar kmar. Khua git gai Ping gah rơkâo, Sang hră pơtrut kơtang bruă pơplih mrô; pơjing giong sang hră gưl prong kơsem min phun dêh čar, gơgrong ba jơlan hlâo amăng hơdôm bruă kơsem min boh thâo măi mok ling tơhan, jing anih phun pơplih pơčeh phrâo amăng lŏn ia.