Đĭ pơhiăp amăng mông mă bruă, Khua git gai Ping gah dêh čar ơi Tô Lâm, Khua git gai Ping gah ling tơhan dêh čar rơkâo: Ling tơhan lĕ “Mơnuih hlâo phao djă tui tlôn”, kiăng pơplih phrâo ană mơnuih hlâo kơ pơplih phao kơtuang. Rơkâo anom bruă kơđi čar kiăng kơtưn gum hrŏm hăng Anom pơphô bruă amăng pơjing mơnuih mă bruă, sit biă ñu lĕ mơnuih mă bruă rơgơi amăng khul ling tơhan. Tŏ tui pok pơhai tŭ yua Akŏ bruă, hơdră pơhưč, čơkă mă ƀing rơgơi kơhnâo amăng khul ling tơhan mơnuih ƀôn sang Việt Nam truh thun 2030, anăp nao truh thun 2050.

Khua git gai Ping gah pơsit tong: “Rĭm čô mơnuih apăn bruă, ling tơhan kiăng kjăp bruă kơđi čar, thâo rơgơi kơ boh thâo hăng jơlan gah blah wang, thâo yua phao kơtuang, gơnam măi mok phrâo, pơplih tơlơi pơmĭn, pơčeh phrâo, thâo yua boh thâo phrâo hăng ngă pô amăng yua boh thâo mrô, hluh rơđah kơ jơlan gah blah wang hăng bruă gum hrŏm blah wang brơi añrăng găng, hơmâo pran, lăp djơ̆ hăng tơlơi rơkâo yôm mơng bruă ling tơhan”.