Khua git gai Ping gah dêh čar lăi pơtong, tơdơi kơ 66 thun ngă tui tơlơi pơtô mơng Khua mir sir Hồ Chí Minh, tết pla kyâo jing phiăn juăt hiam klă, pơgôp ngă pơplih ƀô̆ mơta lŏn ia, pơplih anih dŏ hơdip jum dar hăng hrưn đĭ klă ƀiă dong tơlơi hơdip mơng mơnuih ƀôn sang. Pla dong sa phun kyâo mơtah pơhrua dong pran đăo gơnang nao kơñ pơgi pơđĭ kyar hơđong kjăp.

Pơsit tong tơlơi pơmĭn tŏ tui na nao mơng Ping gah hăng Kơnuk kơna, anai lĕ pơđĭ kyar bơwih ƀong huă huăi phă glai kyâo, man pơdong plơi prong phrâo samơ̆ kiăng wai lăng “kơsô̆ mơtah”, Khua git gai Ping gah dêh čar rơkâo plơi prong jưh jom anăm ngă pơƀuh ƀơi anăp, ngă khưi khai, pơhlôm “Pla phun hơpă, brơi hơdip phun anun”. Bruă pla kyâo pơlir hăng bruă dưm dăp, bơwih brơi, wai lăng sui pơ anăp, ha amăng plĕ hăng pơđĭ kyar anih anom plơi prong mơtah, rơgơi. Tui tơlơi pơkă, truh rơnuč blan 3, Hà Nội gir run pla 80.000-100.000 phun kyâo hăng giăm 400.000 phun kyâo amăng ha thun 2026.