Khua git gai Ping gah dêh čar ta Nguyễn Phú Trọng nao pơhmư̆ hăng đĭ pơhiăp črâo ba amăng mông Jơnum. Amăng mông Jơnum, ƀing khua pơ ala bơkơtuai, gum pơhiăp pioh kơ: Tơlơi lăi pơthâo glăi klah čun bruă Ping gah Kông ang dêh čar ta thun 2023 hăng jơlan gah, bruă jao mă bruă thun 2024; Tơlơi lăi pơthâo glăi pơsit bôh tơhnal ngă tui Tơlơi pơtrun pơsit mrô 12 mơ̆ng Ding jum kơđi čar kơ pơtrut kơtang pơdŏng khul Kông ang mơnuih ƀôn sang sit nik klă hiam, kơjăp kơtang, djơ̆ phiăn pơkă, hơdeč hmar, rơnuk anai, djơ̆ tui tơlơi kiăng, bruă jao amăng rơnuk phrâo.

Pơhiăp amăng mông Jơnum, Khua git gai Ping gah dêh čar ta Nguyễn Phú Trọng rơkâo, Ping gah Kông ang dêh čar ta khom gơgrong hlâo kơsem min phun ñu, hmâo glông amăng hăng tâ̆o klă, pơphô brơi Ping gah, Kơnuk kơna, gưl Ping gah, gong gai tơring čar, ƀôn prong ba tơbiă hơdôm hơdră pơtrun, hơdră bruă, tơlơi phiăn kơ pơđĭ kyar bơwih ƀong – mơnuih mơnam, pơhlôm pơgang lŏn ia, rơnuk rơnua plơi pla./.