Amăng mông jơnum, hăng pran jua tơpă ară, lăng yôm bruă gơgrong, ƀing khua pơ ala đing nao bơkơtuai, pơsit bôh tơhnal git gai ngă tui bruă jao gah khul ling tơhan, pơgang lŏn ia hăng pơdŏng Ping gah Khul ling tơhan thun 2023, črâo ba abih bang khul tơhan pơsir tơlơi tơnap, ngă giong abih bang hơdôm bruă jao hăng bôh tơhnal prong hloh thun 2022, lu bruă jao hmâo ngă giong prong. Hluai tui tơlơi pơblang dơlăm tơlơi amăng kual, rŏng lŏn tơnah, amăng lŏn ia, Ping gah Khul ling tơhan dêh čar ta pơsit sa dua bruă mă, jơlan gah pơsir phun đing nao git gai, črâo ba ngă tui truh kih bruă ling tơhan pơgang lŏn ia.

Amăng anun, gơgrong hlâo thâo kơjăp, pơsit, pơkă lăng hlâo djơ̆ tơlơi, hmao tlôn pơphô brơi Ping gah, Kơnuk kơna pơsir truh kih hơdôm tơlơi, ƀu pioh hmâo kah mơ̆ng pơsir, truh kah mơ̆ng ngă, pơgang kơjăp tơlơi rơngai, dưi pô, pơlir hơbit, pơhlôm đơ đam dêh čar. Ngă tui bruă mă phun amăng pơdŏng bruă pơgang lŏn ia mơ̆ng abih bang mơnuih ƀôn sang; pơhrua hrŏm bruă pơgang lŏn ia hăng bơwih ƀong, bơwih ƀong hăng pơgang lŏn ia hăng Jơlan hơdră ngă mơ̆ng Gong gai dêh čar kơ pơđĭ kyar bơwih ƀong - mơnuih mơnam, pơhlôm lŏn ia, hơđong plơi pla hơdôm kual hăng ƀơi anih phun; Đing nao git gai pơdŏng Ping gah Khul ling tơhan kơjăp kơtang./.