Khua git gai Ping gah dêh čar ta Nguyễn Phú Trọng pơsit yôm tal rai čuă anai mơ̆ng ơi Shii Kazuo amăng thun dua bôh dêh čar hơdor glăi 50 thun pơjing bruă pơtom hiăp, dua bơnah phrâo pơđĭ tui tơlơi rô nao rai truh tơhnal khom ngă abih bang yua kơ tơlơi rơnuk rơnua hăng pơdrŏng asah ƀơi kual ASIA hăng ƀơi rŏng lŏn tơnah.

Khua git gai Ping gah dêh čar ta đăo gơnang tal rai čuă amra djru đĭ tui dong tơlơi giăng mah, phiăn juăt hăng gum hrŏm hơbit kơplah wah dua Ping gah hăng pơtrut pran giăng mah kơplah wah mơnuih ƀôn sang dua bôh dêh čar, ngă pơhrôh đĭ hloh tơlơi rô nao rai kơplah wah dua bôh dêh čar. Khua Ping gah Cộng sản Japan Shii Kazuo pơsit yôm anih dŏng hăng bruă mă mơ̆ng Việt Nam amăng kual, hơ-ưč hmưi hơdôm bôh than pơtom hiăp mơ̆ Việt Nam hmâo laih amăng hơdôm hrơi rơgao, đăo gơnang Việt Nam amra hmâo dong hơdôm tơlơi gum hơgôp prong hloh pioh kơ tơlơi rơnuk rơnua, hơđong, gum hrŏm hăng pơđĭ kyar ƀơi kual hăng ƀơi rŏng lŏn tơnah./.