Mơguah lơ 29/11, ƀơi Ƀirô mă bruă Ping gah dêh čar, Ding jum kơđi čar, Grŭp git gai Ping gah pơphun jơnum đơ đam dêh čar ƀơi anăp hăng lăng nao rai mơng ataih lăi pơthâo, pok pơhai ngă tui Tơlơi pơtrun pơsit mrô 30 mơng Ding jum kơđi čar tal 13 kơ Jơlan gah pơđĭ kyar bơwih ƀong – mơnuih mơnam, pơhlôm pơgang lŏn ia, rơnuk rơnua plơi pla ƀơi Kual lŏn dăo ia krông Hồng truh thun 2030 tơhnal lăng nao truh thun 2045.

Khua git gai Ping gah dêh čar ta ơi Nguyễn Phú Trọng git gai hăng hmâo tơlơi pơhiăp črâo ba yôm phăn amăng mông jơnum. Anai lĕ jơnum ngă giong bruă mă yua hăng pơphun lăi pơthâo, pŏk pơhai ngă tui hơdôm Tơlơi pơtrun pơkă mơng Ding jum kơđi čar tal 13 hăng abih bang 6 kual bơwih ƀong – mơnuih mơnam mơng đơ đam dêh čar. Kual ia krông Hồng hmâo 11 bôh tơring čar, ƀôn prong. Amăng gru grua đưm hơdôm rơbâo thun pơdŏng hăng wai lăng lŏn ia mơng djuai ania, anai jing anih anom phun mơng Kual plơi prong jưh jom, hmâo bôh yôm bruă mă, yôm phăn hloh mơng đơ đam dêh čar gah bruă kơđi čar, bơwih ƀong, bôh thâo, mơnuih mơnam, pơgang lŏn ia, rơnuk rơnua plơi pla hăng pơtom hiăp. Tơlơi pơtrun pơsit phrâo amra djru pơjing tơlơi pơplih kơtang, hmâo tơhnal pơplih phrâo amăng kual lŏn dăo ia krông Hồng hăng đơ đam dêh čar amăng rơwang pơđĭ kyar phrâo./.