Mơmot lơ 1/11, Khua git gai Ping gah dêh čar ta ơi Nguyễn Phú Trọng hăng Grŭp Khua pơ ala gưl dlông Việt Nam hmâo glăi truh  laih pơ̆ Hà Nội, pơđut klă hiam tal nao čuă dêh čar Khač tui tơlơi jak iâu mơng Khua git gai Ping gah, Khua mir sir dêh čar Khač ơi Tập Cận Bình. Amăng hơdôm hrơi dô̆ čuă, Khua git gai Ping gah dêh čar ta ơi Nguyễn Phú Trọng hmâo bơkơtuai hăng Khua git gai Ping gah, Khua mir sir dêh čar Khač ơi Tập Cận Bình, bơkơtuai hăng Khua dêh čar ơi Lý Khắc Cường, bơkơtuai hăng Khua git gai wai lăng pơ ala mơnuih ƀôn sang Khač Lật Chiến Thư hăng Khua pơ ala mơnuih ƀôn sang Uông Dương.

Khua git gai Ping gah, Kơnuk kơna tơbiă pơ̆ tơdron rơdêh por čơkă Khua giat gai Ping gah

Amăng tal nao čuă, dua bơnah hmâo kĭ pơkôl 13 mơta hră pơ-ar gum hrom amăng hơdôm bruă; ba tơbiă tơlơi lăi pơtŏng hrom Việt Nam – Khač hmâo 13 mơta. Pơtŏng sit, tal nao čuă dêh čar Khač mơng Khua git gai Ping gah dêh čar ta ơi Nguyễn Phú Trọng hmâo truh kih klă hiam, djru klă amăng bruă ngă tui tơlơi gum hrom hơbit, giăng mah mơng hlâo Việt Nam – Khač, pơtrut kơtang hăng ngă dơlăm hloh tơlơi rô nao rai gum hrom bruă abih bang Việt Nam – Khač amăng rơnuk phrâo, pơtrut tơlơi rơnuk rơnua, hơđong hăng pơđĭ kyar pơdrong asah mơng kual hăng rŏng lŏn tơnah./.