Khua git gai Ping gah dêh čar ta ơi Nguyễn Phú Trọng bơni tal rai čuă mơng Khua mir sir Uganda, lăi rơđah tơlơi jơnum tŭ yua yôm phăn, pok tơbiă rơwang pơđĭ kyar phrâo kơplah dua ping gah, dua bôh dêh čar.

Amăng tơlơi mơ-ak pơđao pran jua, Khua git gai Ping gah dêh čar ta ơi Nguyễn Phú Trọng pơtŏng sit tơhnal gal gum hrom kơplah wah dua bôh dêh čar amăng djop bruă ăt dô̆ prong mơn; lăi nao hơdôm jơlan gah pơsit prong pơtrut gum hrom bruă kơđi čar, bơwih ƀong, bôh thâo, kơtưn thâo hluh nao rai tơdruă, gum hrom amăng hơdôm mông bơkơtuai jar kơmar; lăi rơđah tơhnal yôm phăn mơng pran jua kơđi čar hăng hơdră pơtrun mơng khua git gai dua bôh dêh čar amăng bruă pơtrut tơlơi rô nao rai dua bơnah. Dua bơnah tŭ ư hrom gir run pơtrut kơtang tơlơi rô nao rai dua bơnah pơđĭ kyar ba glăi bôh tŭ yua, sit nik, ngă brơi tơlơi rô nao rai hơdai nao rơwang pơđĭ kyar phrâo lăp djơ̆ hăng tơlơi čang rơmang hăng tơhnal gal mơng dua bôh dêh čar./.